«Бақытты отбасы – бақытты ел»: СҚО-да тұрмыстық зорлық-зомбылықтың алдын алу жұмыстары күшейтілді
Солтүстік Қазақстан облысында «Бақытты отбасы – бақытты ел» акциясы аясында полиция қызметкерлері Әйелдерді қорғау орталығының және жергілікті атқарушы органдардың өкілдерімен бірлесіп, құқық борзушылармен профилактикалық кездесу өткізді. Кездесу Мамлют аудандық полиция бөлімінде әкімшілік қамауда отырған тұлғалармен жүргізілді.
Бұрынғы тәжірибеге сәйкес, тұрмыстық зорлық-зомбылық құрбандарына жан-жақты көмек (қауіпсіздікті қамтамасыз ету, заңгерлік және психологиялық қолдау) көрсетілсе, ал агрессорларға тек репрессиялық шаралар қолданылатын. Алайда, бұл көбінесе олардың қатыгездігін одан әрі күшейтетін.
Аудандық полиция бөлімінің акт залында тәртіп сақшылары мен мамандар жиналған азаматтарға заңнамадағы соңғы өзгерістерді ескертті. Енді ұрып-соғу және денсаулыққа жеңіл зиян келтіру де қылмыстық қылмыс ретінде қарастырылады. Сондай-ақ, олар құқық бұзушыларға жанжалды бейбіт жолмен шешу тәсілдерін түсіндіріп, болашақта жауапкершілікке тартылмау үшін қайда және қалай көмек ала алатынын айтып берді.
- Тәртіптің жаңа стандарты: Облыс аумағында жаңа стандарт қолданысқа енгізілгелі бері, жеті отбасылық жанжал шығарушыға қатысты мінез-құлықты психотүзету шаралары қолданылды. Қазіргі уақытта олардың төртеуі бұл жұмыстан өтті.
Кездесу аяқталғаннан кейін полицейлер Мамлют аудан орталығында әртүрлі есепте тұрған отбасыларды аралап, рейд жүргізді.Акцияның негізгі мақсаты – қоғамдағы отбасының рөлін нығайту және тұрмыстық зорлық-зомбылықтың алдын алу бойынша қабылданып жатқан шаралар туралы халықты кеңінен хабардар ету.
