«Есірткіге жол жоқ!»: Петропавлда есірткіге қарсы ауқымды акция мен мерекелік концерт өтті
Халықаралық нашақорлыққа қарсы күрес күні (26 маусым) қарсаңында Петропавл қаласында полиция қызметкерлері «Есірткіге жол жоқ!» ұранымен жаппай жүгіру жарысын ұйымдастырды.
Салауатты өмір салтын ұстанатын 300-ден астам әртүрлі жастағы қала тұрғындары 3 шақырымдық қашықтықты жүгіріп өтті. СҚО ПД Есірткі қылмысына қарсы іс-қимыл басқармасының қызметкерлері алғашқы 50 мәреге жеткен қатысушыға естелік сыйлықтар ұтысы ойнатылған ұтыссыз лотерея өткізді. Барлық қатысушылар грамоталармен және медальдармен марапатталды. Жүгіру жарысы облыс әкімдігінің Спорт басқармасымен және «Болашақ» корпоративтік қорымен бірлесіп ұйымдастырылды.
Ал 26 маусымда Петропавлдың бас алаңында мерекелік концерт өтті. Оның ашылуында СҚО ПД бастығының міндетін атқарушы, полиция полковнигі Асқар Мұхаметқалиев қоғамды есірткі қаупімен күресу үшін біріктірудің маңыздылығын атап өтті.
Ашық аспан астындағы эстрадада қала тұрғындары таңғажайып от шоуын, СОБР жауынгерлерінің және қызметтік-іздестіру иттерінің көрсетілімдерін, жас әртістердің вокалдық және би нөмірлерін тамашалады. Наркомүлікпен күресушілер өткізетін осындай жарқын әрі қызықты іс-шаралар жастарды салауатты өмір салтына тартуға және «Заң және Тәртіп» тұжырымдамасын іске асыру аясында қоғамды біріктіруге бағытталған.
