СҚО Делегациясы Қазанға Іс-сапармен Барды: Татарстанмен Өнеркәсіптік Ынтымақтастық Нығаяды
Солтүстік Қазақстан облысының ресми және іскерлік делегациясы Татарстан Республикасының Раисы Рустам Миннихановтың шақыртуымен Ресей Федерациясының Қазан қаласына маңызды іс-сапармен барды.
Іссапар Қазақстанның Ресейдегі Төтенше және өкілетті елшісі Дәурен Абаевтың және Қазақстанның Қазан қаласындағы Бас консулы Ерлан Искаковтың қолдауымен жүзеге асты.
Ынтымақтастықты Кеңейту Меморандумы
Ресми кездесу барысында екі өңір арасындағы өнеркәсіп, инвестиция және инновациялық ынтымақтастықты кеңейту мәселелері жан-жақты талқыланды. Іс-сапардың басты қорытындысы – Солтүстік Қазақстан облысы әкімдігі мен Татарстан Республикасы Үкіметі арасында өзара түсіністік Меморандумына қол қойылды.
Өңір басшысы бұл іс-шараның маңыздылығын былай деп атап өтті:
«Бұл іссапар аймақаралық байланыстарды нығайтуға, бірлескен жобаларды жүзеге асыруға негіз қалап отыр. Сондай-ақ өңірлеріміздің тұрақты өсуі мен өркендеуі үшін жаңа серпін беріп, Қазақстан мен Ресей арасындағы достық пен серіктестікті одан әрі нығайтуға елеулі үлес қоспақ».
Меморандум агроөнеркәсіптік кешен мен машина жасау саласындағы ынтымақтастықты тереңдетуге жол ашады деп күтілуде.
