«Ботай — Ұлы дала мәдениеті» симпозиумы: Петропавлда мәдени диалог өрбіді
«Ботай» арт-галереясында «Ботай — Ұлы дала мәдениеті» халықаралық суретшілер симпозиумының қатысушыларымен арнайы кездесу өтті. Бұл іс-шара – Ұлы дала тарихы мен заманауи өнерді тоғыстырудағы маңызды қадам.
Іс-шараға Қазақстанның әр өңірінен және шетелден келген ғылым, мәдениет және өнер саласының беделді өкілдері, сондай-ақ шығармашылық интеллигенция мүшелері қатысты.
Кездесу барысында қатысушылар мынадай маңызды тақырыптар бойынша пікір алмасты:
- Мәдениетаралық ынтымақтастық;
- Ұлттық мұра мен заманауи өнердің өзара байланысы;
- Шығармашылық серіктестіктің жаңа мүмкіндіктері.
Облыс әкімі аппаратының басшысы Руслан Әлішев өңір басшысының атынан симпозиумға қатысушыларға алғысын білдіріп, бұл мәдени шараның маңыздылығын атап өтті.
Шара соңында симпозиум қонақтарына естелік сыйлықтар мен кәдесыйлар табысталды.
